100vjetori
Vinaora Nivo SliderVinaora Nivo Slider

Ndahet nga jeta Hasan Shaqo Hysi

Hasan HysiPas një sëmundje të rëndë e të gjatë në datën 17 Shtator 2012 u nda nga jeta Hasan Shaqo Hysi.

Hasani lindi në Kallarat të Vlorës ne vitin 1931 në një familje të varfër me ndjenja patriotike dhe atdhetare, ashtu si çdo familje tjetër kallaratase.

I lindur dhe rritur në një ambient të tillë familjarë, pas mbarimit të shkollës në vendlindjen e tij në Kallarat, Hasani vazhdoi studimet në Shkollën Ushtarake Skënderbej dhe më vonë në Shkollën e Bashkuar të Oficerëve në Tiranë, duke u titulluar oficer në specialitetin e Tankeve.

Pas mbarimit të shkollës së Bashkuar shërbeu në Tiranë, ku për rezultatet dhe përkushtimin e tij në punë, dërgohet për kualifikim jashtë vendit.

Gjatë karrierës së tij ushtarake ka kryer detyra të ndryshme si oficer aktiv në Tiranë dhe Berat. Kudo ku Hasani punoi u shqua për korrektësi, profesionalizëm e përkushtim në kryerjen e detyrave të ngarkuara dhe marrëdhënie korrekte e vëllazërore me shokët dhe eprorët, duke u dekoruar me urdhra e medalje të ndryshme.

Periudhën më të gjatë të karrierës ushtarake deri sa doli në pension, të jetës familjare, por edhe aktivitetit shoqëror, Hasani e kaloi në qytetin e Beratit që ai e deshi aq shumë.

Hasani ishte një njeri modest, kurajoz, fjalëpakë, punëtor dhe i dashur me njerëzit në familje, punë, në lagje e kudo. Falë këtyre virtyteve, bëri që ai të përballonte për vite të tëra sëmundjen e gjatë e të rëndë të tij.

Hasani gjatë gjithë kohës ka shprehur e treguar një dashuri të madhe për bashkëfshatarët dhe vendlindjen e tij Kallaratin. Pas daljes në pension vendoset familjarisht në Tiranë dhe merr kontakte me të gjithë të njohurit e tij e të familjes, si dhe kontribuon në mbarëvajtjen e Degës së Shoqatës Kallarati me qendër në Tiranë, por edhe në gazetën e saj me të njëjtin titull. Gjatë gjithë kësaj kohe ai tregoi përkushtim maksimal në propagandimin e vlerave historike, patriotike e kulturore të vendlindjes së tij Kallaratit.

Kudo ku punoi dhe jetoi, Hasani si në Berat dhe në Tiranë, ai ishte edhe një veprimtar i shquar në lagje, duke treguar e manifestuar virtytet e njeriut të kulturuar, të qytetëruar e patriot.

Përveçse një ushtarak i zoti e veprimtar shoqëror i dalluar, Hasani ishte mbi të gjitha një prind dhe bashkëshort shembullor. Me bashkëshorten e tij Farien, bijë nga Kallarati lindën, rritën, shkolluan dhe edukuan me sakrificë e në mënyrë shembullore tre fëmijët e tyre, vajzën Liljanën dhe dy djemtë, Kastriotin dhe Engjëllin.

Vdekja e Hasanit ka trishtuar jo vetëm familjen e tij, bashkëshorten, fëmijët, motrën, nipërit e mbesat, të afërmit, miqtë, por të gjithë shokët e tij, që e njohën nga afër ku ai punoi e jetoi dhe në veçanti bashkëfshatarët e tij që i deshte aq shumë në Kallarat, Vlorë, Fier, Tiranë e kudo tjetër.

Hasani me të vërtetë u nda fizikisht, por familja, të afërmit, shokët e bashkëfshatarët e tij do ta kujtojmë atë kurdoherë për atë ai çfarë la prapa, emrin e tij të mirë: si bashkëshort, prind, kuadër dhe veprimtar shembullor.

I pa harruar qoftë kujtimi i tij!

Dega e Shoqatës "Kallarati", Tiranë.

Tiranë më, 18.09.2012

Ndahet nga jeta Hasan Shaqo Hysi

KËNGË & VIDEO

SONDAZH

Cili është mendimi juaj për uebsaitin tonë të porsa çelur www.kallarati.com?
 

FACEBOOK FanBox

SPONSOR i faqes www.kallarati.com

Sponsor te faqes www.kallarati.com

GAZETA "KALLARATI"

NUMURI I LLOGARISË I SHOQATËS ATDHETARE & KULTURORE “KALLARATI”

Banka: Societe Generale Albania.
Në LEK në numrin e llogarisë: 1175099
Në EURO në numrin e llogarisë: 1175101
Pë çdo kontribut kontaktoni në adresat:
kontakt@kallarati.com
gazetakallarati@yahoo.com
Sefer Jonuzi Cel: 00355682745862

Nga Blogu

09 Shkurt, 2017

Rrugëtimi në jetë i veteranit 90 vjeçar Xhelo Dautaj

  -Rrëfim-   Një rrugëtim në jetë prej 90 vjetësh nuk janë as shumë, por as… Lexo më shumë...
26 Dhjetor, 2016

TË NOHIM SHKRIMTARIN DHE PËRKTHYESIN BAJRAM KARABOLLI

Bajram Karabolli - lindur në Mavrovë (Vlorë) në 1943, prindërit e tij me… Lexo më shumë...
27 Tetor, 2016

NË KALLARAT U FESTUA ME KRENARI 100-VJETORI I HAPJES SË SHKOLLËS SË PARË SHQIPE

  Nga Besnik GJONBRATAJ AMBJENT FESTIV NË KALLARAT Në datat 13 dhe 14 gusht… Lexo më shumë...

Lajmet nga vendi