NDJESA E MUNGUAR, poezi

PetritQejvani


NDJESA E MUNGUAR, poezi nga Petrit Qejvani 

Serbët ende nuk u kanë kërkuar ndjesë  shqiptarëve  për krimet e tyre monstruoze në Kosovë: Autori


Le të thonë populli serb është popull i mirë
Le të thonë është popull i kulturuar.
Anatomia e krimeve serbe në Kosovë,
Është akuza më e artikuluar.

Shetit në Prishtinën shqiptare.
Mbrëmje, paqe, qetësi.
Befas, ndërsa kaloj trotuarit,
Një stendë më nguros si me magji.

Avitem dhe shoh: “Portrete njerëzish të zhdukur”
Ku u zhdukën, në ç’ kohë humbën  këta ?!
Gra dhe burra ,vajza dhe djem, të gjithë të bukur…
Ca pika shiu nga qielli i zemëruar
Si lot trishtimi bien mbi ta.

Nga fotot e tyre shohin të menduar:
A do të ketë për ta prehje, drejtësi ?!
Kjo stendë e thjeshtë është akuza më e rreptë
Për barbarinë serbe, që kaloi me furi.

Dhe pas kësaj tmerrnaje gjëja e parë,
Që duhet të bënin serbët, patjetër,
Do të ishte kërkimi i ndjesës shqiptarëve,
Që të niste kështu pastrimi i ndërgjegjes.

Por serbët këtë ende s’e kanë  bërë
Dhe ky është krimi më i madh nga çdo krim.
Kjo do të thotë se serbët ende janë sëmurë
Dhe do të duhet kohë për shërim…


Petrit QEJVANI, Shtator 2008  

Next Post

Petro Marko – Shkrimtari dhe Qytetari ose drama që vjen prej utopisë.

Die Maj 27 , 2012
    Petro Marko është një fakt i dhimbshëm letrar dhe njerëzor.  Ai është një rast unikal në letërsinë shqiptare, krejt i veçantë si jetë personale, si veprimtari njerëzore dhe si krijimtari. Në asnjë rast në letrat shqipe fati i veprës nuk ka përcaktuar kaq fort fatin e shkrimtarit dhe […]
PetritQejvani

Mund t'ju duken interesant edhe artikujt