Një Jenari, vit’i ri
i vitit dyzetetri,
dolli konsulli me ushtri,
me alpin e Milici;
vjen nga mali për kashi,
për një’ operacion të ri.
Vështron vëndin me dulbi,
që në mal e në vërri,
u ndez lufta me furi,
mortaj’e artileri,
digjej guri bëhej hi,
zjarr e flak, e tym i zi,
mali Gjormit seç u nxi!
Konsulli këmishë zi,
me gjithë shtabin e tij,
i lanë kockat aty.
Gjithë ushtëri e tij,
u bë pluhur, u bë hi,
çeta Plakë me Mehmenë
vrit milic e arilierë!
Çeta Plakë me Hysninë,
vrit, e prit, e bën gërdinë.
Hasan Kallarati
