O moj Vlora heroike,
të bukur pamje që ke,
një varg, kodra me ullishte,
të qëndrojnë për mbi kre,
dhe kështjella në Kaninë,
e lartë deri në re,
Shashica një mal lëndinë,
brinja valë dhe pllaje,
kyj mal i bukurë shumë,
ushqen gjith’ato kope,
prapa krahëve një lumë,
me zall të bardhë si vee,
gjarpëron nëpër luginë,
vadit fusha dhe baçe!
Sazan dhe Karaburunë,
mbrojtje të forta i ke.
Dy male shkëmbënj e gurë
ftisur si beton arme,
Adriatiku me valë,
i vjen fushës anëve,
dhe Vijosa me fërtunë,
të shkon në Mifol atje,
tek ti erdh flamuri ynë,
në gji tënd brënda u ngreh,
erdhi bashkë me Smahilë,
shkoj nëpër Myzeqe!
Ti formove Qeverinë,
dhe lajminë tin e dhe,
njoftove pamvarësinë,
Indipendent jemi the,
që Evropa le ta dinë.
Hasan Kallarati
