Bjondja e Pireut

PetritQejvani

 

 

 

 

 

 

Në kafe ‘Notos’ në mbrëmje buzë detit

Përballë një bjonde greke më rri

As dëgjoj fare ç’më thonë shokët

Në tavolinën përballë është ulur një perri.

 

E bukur, o zot!një Helenë moderne

Me kostum meshini të zi rri serbes

Herë pas here hedh këmbën përmbi këmbë

Dhe tymos një cigare plot finesë.

 

E shoh drejpërdrejt,pa turp fare

Ndonëse jam I turpshëm sa s’ka

Në sytë e saj një dritë lozanjare

Më jep ca sinjale të thella,hata.

 

Ndonëse cigaren prej vitesh kam lënë

Një cigare kërkoj,e ndez me nxitim

T’I bëj shoqëri grekes magjike

Që vale magnetike më lëshon me guxim.

 

Edhe unë i përgjigjem lojës

Bile e teproj,e kaloj cakun

I shkel syrin grekes elegante

Se paku kështu e heq merakun.

 

Nxjeer pasaportën dhe e shfletoj

Tavolina zien nga bisedat

Ndonëse në tavolinë flitet shqip

Grekja s’heq dorë nga të vetat…

 

Shokët më thonë të merr për të huaj

Kushedi ç’i dukesh,italian apo spanjoll.

Ndryshe nuk do të shihte me vëmendje

Shqiptarët në Greqi nuk i respektojnë.

 

Kurrë nuk më ka mgjepsur kaq në bjonde

Ishte e para që më pushtoi befasisht

Por unë s’isha Paridi që rrëmbeu Helenën

Në Athinë unë isha thjesht një turist.

 

Të nesërmen ikja, e lija Athinën

Dhe greken e bukur s’do ta shihja më

Veç imazhin e saj të mahnitshëm

Do ta mbaj në kujtesë për gjithnjë.

 

Unë s’kisha shkuar në Greqi

Greken e bukur të rrëmbeja

Ne dhe kështu në gjendje lufte ishim…*

Pale të shpallnim luftra të reja. ..

 

Janar 2002

Shënim:aludohet ironikisht për ligjin e luftës që Greqia i shpalli Shqipërisë gjatë LuftësII botërore ,pasi u sulmua nga Italia fashiste nga territori i pushtuar shqiptar.

Next Post

E DASHURA

Hën Maj 28 , 2012
            Sa herë shoh ty, bie në mendime (Jo të të vë vlerat në dyshim) Dhe kujtoj ç’ka më të bukur në botë                      Dhe hëna                     […]
PetritQejvani

Mund t'ju duken interesant edhe artikujt