Kjo grua që i mahnit të gjithë
Me hiret dhe tekat e saj tek kalon rrugës
Që duket si një perëndi bukurie
Është një grua e zakonshme
Që bën të gjitha adetet që bëjnë gratë…
Që gatuan në kuzhinë
Që kujdeset për fëmijët
Që shpartallon shtratin në pështjellim ndjenjash
Me klithma të njëjta si gjithë të tjerat
Që pastaj bën dush për të larë mëkatin
Dhe rregullon sërish shtratin
Për ta prishur në mëkatin e radhës…
Ku është perëndi,
Në rrugë apo në shtrat?
Petrit Qejvani
