NJË MINUTË

 

 


(Kushtuar asaj që e meriton…)


Para teje bëhem si fëmija

Që gjëra të shtrenjta kërkon

Unë kërkoj buzët e tua

“Po një minutë”- ti më ndalon.

Dhe e kuptoj se ç’do të thotë

Kjo frazë e bukur, kaq e brishtë

Sa herë të puth, pulit qepallat

“Po një minutë , më pëshpërit.

Dhe unë atëherë më shumë të dua

Me zjarr të puth, me mall në gji

“Po një minutë”, ti prapë thua

Dhe unë prap bëhem si fëmi.

Dhe çdo gjë nis prap nga e para

Unë prap të puth në buzë e sy

Ti prap më thua “Një minutë”

Dhe unë prapë bëhem si fëmi.

 

Petrit Qejvani.

 

 

Next Post

KA KOHË

Die Pri 19 , 2020
    Këshillë për Aa Ka kohë që nuk të kam parë Dhe të të shoh më, nuk dua, Shëtis i qetë në varrezat e kujtimeve Me qiriun e pendimit në duar. Më ler të qetë në vetminë time, Ku zemra brinjët m’i shkallmon Dhe truri i lodhur nga mendimet […]

Mund t'ju duken interesant edhe artikujt