PLEQTË, POEZI

Andi Meçaj

Katër pleq lozin letra,

Kaçi humbet, Baçi fiton,

Thimua shan, Lorua mërmërin.

Mbasdite e dielltë prilli,

kafeneja e zbrazur fle,

pastaj kalon ajo,

ajo me gjinjtë kërcënues,

minifundin e padukshëm

e fytyrën engjëllore,

që ua vjedh shikimin,

duke i verbuar,

vetëm për një çast,

çast aq i gjatë,

sa harrojnë të vdesin.

2011

Nga Andi Meçaj

Next Post

TE PIJETORJA "GJASHTË GLLËNJKA TË SHPEJTA", POEZI

Sht Qer 16 , 2012
-Përse këndojnë natën varrezat?! Më pyeste një i dehur, tek e shoqëroja me një teke, më 11 të natës, në të hyrë të Rrugës së Re, tek pijetorja “Gjashtë gllënjka të shpejta”. Nuk i dhashë kurrë përgjigje, gjithmonë ndërroja bisedë, jo se nuk kisha përgjigje, por më pëlqente pyetja, më […]
Andi Meçaj

Mund t'ju duken interesant edhe artikujt