“Këtu ka mbaruar çdo gjë!,
më thotë sivjet Tiku.”
“Këtu ka mbaruar çdo gjë!,
më tha vjet Tiku.”
“Këtu ka mbaruar çdo gjë!,
më thoshte parvjet Tiku.”
Këtë më thotë gjithmonë Tiku
shoku im i fëmijërisë
dhe i rinisë së hershme,
Vjen çdo vit disa javë në atdhe
për t’u çmallur me nënën,
për të më thënë këtë frazë,
ndërsa takohemi në rrugë,
unë duke nxjerrë shëtitje mendimet e mia,
ai nipin e tij të vogël, që ia lexoj në sy
se një ditë të bukur vere
do të vijë të pushojë në vendlindje
duke thënë:
“Këtu ka mbaruar çdo gjë!”
2010
Nga Andi Meçaj
