TOPONIMET E KALLARATIT – Nga prof. dr. Rami Memushaj

Kjo listë emërvendesh (toponimesh) të Kallaratit është mbledhur në verën e vitit 1964 nga prof. dr. Rami Memushaj, në atë vit drejtor i Shkollës 8-vjeçare Bolenë, në përgjigje të thirrjes së Institutit të Gjuhësisë për mbledhjen e toponimeve të fshtrave. Emërvendet janë mbledhur nga goja e burrave të moshuar të Kallaratit: Veip Xhaferi, Dulla Laze, Matush Zyka, Maman Boçi, Nelo Golloshi, Memush Balili, Veip Balili, Murat Alushi e Qerim Rjepi. Në shkrimin e tyre është ruajtur mënyra si i kanë shqiptuar këta informantë, veç fjalëve me ng, e cila shqiptohet ndryshe në të folmen e Kurveleshit. Për çdo emërvend jepet shpjegimi se çfarë është dhe pozicioni ndaj qendrës (Qafa e Ubavit).

Fletorja me emërvendet e fshatit tonë u dorëzua në Institutin e Gjuhësisë dhe të Letërsisë në Tiranë në tetor 1964, kur mbledhësi i tyre filloi studimet për gjuhë dhe lëtërsi shqipe në Fakultetin e Historisë dhe të Filologjisë të Universitetit të Tiranës. Kjo fletore (që duhet të ruhet në arkivin e Insitutit të Gjuhësisë dhe të Letërsisë) është shfrytëzuar nga prof. Eqrem Çabej për studimet e tij etimologjike në fushë të shqipes.

Sot kjo listë emërvendesh përbën një dokument të rëndësishëm si pjesë e trashëgimisë kulturore të fshatit tonë dhe, si e tillë, ajo duhet ruajtur në arkvin elektronik të dokumenteve të fshatit, bashkë me historikun dhe përmbledhjen e folklorit të fshatit.

Nga këto 700 emërvende, disa syresh emërtojnë njësi të mëdha të terrenit, disa të tjera (dhe këto janë shumica) emërtojnë pjesë të këtyre njësive. Të parat, që janë kryesisht njëfjalëshe, kanë rëndësi jo vetëm për historinë e fshatit, por edhe për gjuhëtarët e historianët. Të tilla janë emërvendet:

Argjimarja, Armixorja, Babzotja, Bashai, Bigorret, Bodei, Bogonica, Breshkushja, Brodani, Buzëdelja, Cergëza, Ceribashi, Çetllazi, Ckordholli, Dafinat, Dedenikat, Dedepiluri, Dhimua, Dhoma, Djegipiu, Dushku, Fieri, Fshira, Gjashta, Gjikveshi, Gjimashet, Gjimufi, Gjiplaku, Gjoçali, Gjokushta, Gjolagje, Gjothanasi, Gjursi, Gocëra, Haskolagji, Hilnika, Honi, Kalibaqi, Kalivaçet, Kaltodhri, Këmëkuqet, Kokëvelja, Koniket, Konjivarfet, Konjiveshi, Koprifti, Krane, Kullxhiu, Kurkubeta, Kurpica, Kushtbardhi, Lajtodhri, Lekgjoni, Lëmëplaku, Lera, Llomieja, Mamet, Matokoni, Meçet, Mejthi, Memetja, Mërtibratet, Mesaraku, Mesuni, Morreza, Muharremja, Nakot, Nikolagji, Njonjini, Nrekështia, Pajamehu, Pasvathja, Pelingria, Petanja, Pirrëdrënja, Povla, Qënjërat, Qesarulja, Ramanai, Rapeta, Reçet, Ribet, Ruçet, Rrepet, Shalat, Shelqi, Shtylla, Sumaku, Therqet, Ubavi, Vali, Vanra, Varjeshti, Varjeshti, Varreturke, Varthi, Vështi.

Bashkëfshatarët, sidomos ata që janë marrë me blegtori dhe që e kanë rrahur pëllëmbë për pëllëmbë vendin, mund të na njoftojnë për ndonjë pasiguri në shpjegimet ose për ndonjë emërvend që mungon ose që është zhdukur si pasojë e zgjerimit të shtratit të lumit.

Rami Memushaj

EMËRVENDET E KALLARATIT (1964)